Sabirabadı təmsil edən "Marafon" futbol klubu Azərbaycan Kubokunda sensasiyaya imza atıb.
Cenublu.az xəbər verir ki, oktyabrın 27-də keçirilən II təsnifat mərhələsinin oyununda Sabirabad komandası I Liqa təmsilçisi "Zaqatala"nı 1:0 hesabı ilə məğlub edərək turnirdən kənarlaşdırıb.
Sabirabad rayonunun Bulaqlı kəndində yerləşən "Marafon Arena"da baş tutan qarşılaşmanın taleyini bir qol həll edib. Görüşün 59-cu dəqiqəsində İlham Allahverdiyev fərqlənərək meydan sahiblərinə qələbə qazandırıb.
Bu nəticə xüsusilə diqqətəlayiqdir. Çünki "Marafon" Azərbaycan çempionatının II Liqasında çıxış edir, rəqibi "Zaqatala" isə bir pillə yuxarı — I Liqada mübarizə aparır.
Xatırladaq ki, Sabirabad təmsilçisi Kubokun ilk təsnifat mərhələsində də uğurlu çıxış edib. Komanda oktyabrın 8-də doğma meydanda Bakının "Dinamo" klubunu 3:0 hesabı ilə məğlub etmişdi.
Beləliklə, "Marafon" ardıcıl iki qələbə qazanaraq Azərbaycan Kubokunun 1/8 finalına vəsiqə əldə edib.
1/8 final qarşılaşmasının dekabrın 1–2-də keçirilməsi nəzərdə tutulub.
Qeyd edək ki, 2026/27 mövsümündə II Liqaya yüksələn "Marafon" Sabirabadda futbolun inkişafı istiqamətində də fəaliyyət göstərir. Klubun ev oyunlarını keçirdiyi Bulaqlı kənd stadionu bu il əsaslı təmir olunaraq 33 illik fasilədən sonra yenidən istifadəyə verilib.
