Neftçalanın Cəngan kəndindən olan gənc idmançı Qurban Məhərrəmli beynəlxalq yarışda uğura imza ataraq Dünya Kubokunun bürünc medalını qazanıb.
Cenublu.az xəbər verir ki, Özbəkistanın Daşkənd şəhərində keçirilən rəsmi WAKO Kikboksinq Dünya Kubokunda Azərbaycan milli komandasının heyətində çıxış edən Qurban Raqil oğlu Məhərrəmli öz çəki dərəcəsində III yeri tutub.
45 ölkədən 2500-dən çox idmançının qatıldığı mötəbər turnirdə uğur qazanan gənc idmançı Neftçalanı və Azərbaycanı layiqincə təmsil edib.
Qeyd edək ki, Qurban Məhərrəmli Cəbrayıl Əhmədov adına Cəngan kənd tam orta ümumtəhsil məktəbinin XI sinif şagirdidir.
