Masallı rayonunun yetirməsi, perspektivli MMA döyüşçüsü Tahir Abdullayev UFC ilə müqavilə imzalayıb.
Cenublu.az xəbər verir ki, bu uğur Azərbaycan idmanı üçün növbəti əlamətdar hadisə hesab olunur. Dünyanın ən nüfuzlu qarışıq döyüş sənəti təşkilatı olan UFC ilə müqavilə bağlayan Tahir Abdullayev peşəkar karyerasında yeni mərhələyə qədəm qoyub.
Tahir Abdullayev idman fəaliyyətinə 11 yaşında başlayıb. O, Lənkəran-Astara Regional Gənclər və İdman İdarəsinin nəzdində fəaliyyət göstərən Masallı Uşaq-Gənclər İdman Məktəbində sərbəst güləşlə məşğul olub. Gənc idmançı ilk idman təhsilini və hazırlığını təcrübəli məşqçi-müəllim Təhməsib İsayevin rəhbərliyi altında alıb.
Qeyd edək ki, UFC ilə müqavilə imzalayan Tahir Abdullayev bu uğuru ilə həm Masallını, həm də Azərbaycan idmanını beynəlxalq arenada təmsil edəcək.
