Masallı rayonunda "İdman həftəsi" çərçivəsində voleybol üzrə rayon turniri təşkil olunub. Bu haqda məlumatı Cenublu.az bu gün, 5 mart tarixində verir.
Bədən Tərbiyəsi və İdman Günü ilə əlaqədar tədbir Olimpiya Kompleksində baş tutub. Burada məktəbli qızlardan ibarət 5 komanda mübarizə aparıb.
Turnirdə E.Ağayev adına Hişkədərə kənd tam orta məktəbinin komandası 1-ci yerə, S.Vurğun adına Türkoba kənd tam orta məktəbinin komandası 2-ci yerə, Qəriblər kənd tam orta məktəbinin komandası isə 3-cü yerə layiq görülüb. Qalib komandalara diplom, medal və kubok təqdim edilib.
Yarış Lənkəran–Astara Regional Gənclər və İdman İdarəsinin və Lənkəran–Astara Regional Təhsil İdarəsinin birgə təşkilatçılığı ilə həyata keçirilib.
