Rumıniyanın Timişoara şəhərində çimərlik güləşi üzrə Dünya Seriyasının 3-cü mərhələsində Masallı idmançısı gümüş medal qazanıb. Bu haqda məlumatı Cenublu.az bu gün, 23 iyul tarixində verir.
İki gün davam edən yarışda Masallı Uşaq Gənclər İdman Məktəbinin yetirməsi Rəşid Babazadə (70 kq) ölkəmizi təmsil edib.
O, ukraynalı Oleksey Boruta (1:1), yunanıstanlı Vasileos Kesidis (3:0) və amerikalı Miçel Brauna (2:1) qalib gələrək, A qrupunda 1-ci yeri tutub.
Güləşçimiz 1/4 finalda rumıniyalı Razvan Kovaçdan (3:0), yarımfinalda isə ukraynalı İvan Semyonovdan (3:0) güclü olub.
Finalda türkiyəli Yunus Coşkuna minimal fərqlə (0:1) uduzan Babazadə gümüş medal qazanıb.
Qeyd edək ki, Rəşid Babazadə məşqçi-müəllim Təhmasib İsayevin yetirməsidir.
