Lənkəran şəhəri, Zərifə Əliyeva küçəsində, 21 saylı binanın ətrafında yolların bərbad vəziyyətdə olması sakinlərin narazılığına səbəb olub.
Cenublu.az xəbər verir ki, ərazidə asfalt örtüyü dağılıb, yaranan çuxurlara yağış suları dolaraq böyük gölməçələr əmələ gətirir.
Sakinlərin sözlərinə görə, yağışlı havalarda binanın həyətindən çıxmaq belə çətinləşir. Göllənən sular gediş-gəlişə mane olur, insanlar binaya daxil olub-çıxarkən ciddi çətinlik çəkirlər.
Vətəndaşlar aidiyyəti qurumlardan ərazidə yolun təmir olunmasını və yağış sularının yığılması probleminin aradan qaldırılmasını istəyirlər.
