Beyləqan rayonunda 19 yaşlı gənc 15 yaşlı qıza qarşı cinsi zorakılıq və şantaj ittihamı ilə 6 il müddətinə azadlıqdan məhrum edilib.
Hadisə rayonun kəndlərindən birində baş verib. 2007-ci il təvəllüdlü Xalis Əhmədov orta məktəbdə tanış olduğu 2011-ci il təvəllüdlü qız ilə münasibət qurub. Valideynləri boşanan qız əvvəlcə anası ilə Bakıda yaşayıb, daha sonra babasının evinə köçüb.
Xalis qızı onunla ailə quracağına inandırıb. Bir müddət sonra onlar görüşməyə başlayıblar. Görüşlərin birində cinsi əlaqədə olan gənclər foto və video da çəkiblər.
Sonradan Xalis yenidən yaxınlıq etmək istədikdə qızın imtinası ilə qarşılaşıb. O, çəkdiyi videonu yayacağı ilə hədələyərək yeniyetməni şantaj edib və bu yolla onunla bir neçə dəfə cinsi əlaqədə olub. Bir müddət sonra video kənd sakinləri arasında yayılıb.
Hadisədən xəbər tutan qızın valideynləri polisə müraciət ediblər. Şübhəli saxlanılıb, cinayət işi məhkəməyə göndərilib.
Ad və soyad şərtidir.
Mənbə: oxu.az
