Lənkəran UGİM-in yetirmələri Bilalhəbəşi Nəzərov və Məhəmmədəli Qasımzadə boks üzrə beynəlxalq turnirdə çempion tituluna layiq görülüblər. Bu haqda məlumatı Cenublu.az bu gün, 23 dekabr tarixində verir.
Azərbaycan boksunun banisi Abbas Ağalarovun xatirəsinə həsr olunan yarış Bakı Boks Mərkəzində keçirilib. Burada milli komandamızla yanaşı, Rusiya, Özbəkistan, Qazaxıstan, Tacikistan, Səudiyyə Ərəbistanı yığmalarının və Litvanın “Royal” klubunun 97 idmançısı yarışıb.
Belə ki, ölkəmizi təmsil edən Bilalhəbəşi Nəzərov 48 kq çəki dərəcəsində finalda 5:0 həsabı ilə, Məhəmmədəli Qasımzadə isə 60 kq çəki dərəcəsində finalda 4:1 həsabı qalib gələrək qızıl medala sahib olublar.
Qeyd edək ki, 5 gün davam edən yarışda 13 çəki dərəcəsi üzrə qaliblər müəyyənləşib. Azərbaycan komandası turniri 5 qızıl, 4 gümüş və 13 bürünc medalla başa vurub.
