Lənkəran rayonunun Şağlaser, Tatova, Sinovli, Ürgə, Moloja, Daşdalıqjar kənd tam orta məktəblərində şagirdlər arasında gimnastika, atletika, futbol, voleybol, stolüstü tennis, əl işləri və intellektual bilik yarışı keçirilib. Bu haqda məlumatı Cenublu.az bu gün, 5 mart tarixində verir.
Tədbirlərdə Lənkəran-Astara Regional Gənclər və İdman İdarəsinin nəzdində UGİM-in məşqçi-müəllimləri və idman ictimaiyyəti nümayəndələri şagirdlərə 5 mart – Bədən Tərbiyəsi və İdman Gününün tarixi, idmana olan dövlət qayğısı, sağlam həyat tərzi və idmanın inkişafı haqda maarifləndirici söhbət aparıblar.
Qeyd edək ki, tədbirlər Lənkəran-Astara Regional Gənclər və İdman İdarəsinin, Lənkəran-Astara Regional Təhsil İdarəsinin birgə təşkilatçılığı ilə "İdman həftəsi" çərçivəsində baş tutub.
