Lənkəran Olimpiya İdman Kompleksində taekvondoçuların Qara Kəmər Dan imtahanının diplom və vəsiqələrinin təqdimetmə mərasimi keçirilib.
Cenublu.az xəbər verir ki, mərasim Lənkəran-Astara Regional Gənclər və İdman İdarəsinin və Lənkəran şəhər UGİŞM-in birgə təşkilatçılığı ilə baş tutub. Tədbirdə Lənkəran-Astara Regional Gənclər və İdman İdarəsinin rəisi Teymur Babazadə, Lənkəran şəhər UGİŞM-in direktoru Ceyhun Məmmədov və Lənkəran Peşəkar İdman Klubunun prezidenti Vuqar Sultanov iştirak ediblər.
Belə ki, Azərbaycan Taekvondo Federasiyası Bakıda Beynəlxalq səviyyəli Qara Kəmər Dan imtahanı təşkil edib. Burada Lənkəran idmançıları yüksək nəticə göstəriblər.
İmtahandan uğurla keçən 16 idmançımıza (2 qız və 14 oğlan) Qara kəmər l Danın diplomları və vəsiqələri təqdim edilib.
