Bu gün Lerik rayonundan olan şəhid Elvin Səfərovun anım günüdür.
Elvin Səfərov 1989-cu il dekabrın 10-da Lerik rayonunun Soru kəndində anadan olub. Vətən müharibəsi zamanı Hadrutun, Cəbrayılın, Füzulinin, Zəngilanın, Qubadlının və Xocavəndin azadlığı uğrunda gedən döyüşlərdə qəhrəmancasına iştirak edib.
O, 2020-ci il oktyabrın 31-də Füzuli istiqamətində gedən ağır döyüşlər zamanı şəhid olub.
Şəhid Elvin Səfərov ölümündən sonra "Vətən uğrunda", "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə" medalları və "Qarabağ" ordeni ilə təltif edilib.
