Lənkəran şəhər 2 nömrəli Ailə tipli kiçik qrup evinin sakinləri üçün idman tədbiri keçirilib. Bu haqda məlumatı Cenublu.az bu gün, 1 mart tarixində verir.
Lənkəran-Astara Regional Gənclər və İdman İdarəsinin əməkdaşları, idman ictimaiyyətinin nümayəndələri və könüllü gənclər Ailə tipli kiçik qrup evini ziyarət ediblər.
Bədən Tərbiyəsi və İdman Günü ilə əlaqədar "İdman həftəsi" çərçivəsində keçirilən tədbirdə idmana olan dövlət qayğısı, sağlam həyat tərzi və idmanın inkişafı haqda maarifəndirici söhbət aparılıb. Daha sonra uşaqlar üçün gimnastika, şən startlar, minifutbol və voleybol oyunları təşkil olunub və qaliblərə toplar hədiyyə edilib.
Tədbir Beynəlxalq dərəcəli hakim, Əməkdar məşqçi Məmməd Məmmədov və Fəzail Əbilovun rəhbərliyi ilə həyata keçirilib.
