Lənkəranda "İdman həftəsi" çərçivəsində yüksək nailiyyətli idmançı Ramin Əzizovun imza günü keçirilib. Bu haqda məlumatı Cenublu.az bu gün, 4 mart tarixində verir.
Lənkəran-Astara Regional Gənclər və İdman İdarəsinin təşkilatçılığı ilə 5 mart – Bədən Tərbiyəsi və İdman Günü ilə əlaqədar Lənkəran Olimpiya İdman Kompleksində taekvondo idman növü üzrə 3 qat Avropa çempionu, dünya çempionu, Olimpiya oyunlarının iştirakçısı və İslam Həmrəylik oyunlarının çempionu Ramin Əzizov yeniyetmə və gənclərlə görüşüb.
Ramin Əzizov çıxış edərək Azərbaycanda idmanın inkişafına geniş şərait yaradıldığını bildirib və gənclər arasında vətənpərvərlik, idmana marağın artırılması, sağlam həyat tərzinin təbliği barədə ətraflı məlumat verib, tədbir iştirakçılarına uğurlar arzulayıb.
İmza blankları idmançı tərəfindən imzalanıb və sonda xatirə şəkli çəkilib.
