Lənkəran şəhərində 5 mart – Bədən Tərbiyəsi və İdman Gününə həsr olunmuş idman paradı təşkil olunacaq. Bu haqda məlumatı Cenublu.az bu gün, 4 mart tarixində verir.
Parad iştirakçıları Lənkəran şəhəri, Şirəli Axundov küçəsi, 7 (4 nömrəli məktəb-liseyin qarşısı) ünvanından start götürərək Heydər Əliyev Xatirə Parkına tərəf irəliləyəcəklər. Daha sonra tədbir Xatirə Parkında müxtəlif idman növləri üzrə nümunəvi çıxışların təqdimatı ilə davam edəcək.
Tədbirdə “İdman et, çempion ol” rəsm müsabiqəsi qaliblərinin mükafatlandırma mərasimi də keçiriləcək.
Eyni zamanda, parad ölkənin idman paytaxtı olan Quba şəhərinə canlı yayımlanacaq.
