Lənkəran şəhərində regionun idman ictimaiyyəti nümayəndələrinin paradı keçirilib. Bu haqda məlumatı Cenublu.az bu gün, 6 mart tarixində verir.
Parad Lənkəran şəhəri, Şirəli Axundov küçəsi, 7 (4 nömrəli məktəb-liseyin qarşısı) ünvanından region idman ictimaiyyətinin nümayəndələri, idman təşkilatları, UGİM, UGİŞM, İK, məşqçi-müəllimlər, idmançılar, könüllü gənclər və region sakinlərinin iştirakı ilə start götürüb.
Nümunəvi çıxışlarda ağırlıqqaldırma, boks, badminton, şahmat, futbol, voleybol, həndbol, atletika, stolüstü tennis, şahmat, nərd, dama, bədii gimnastika, sərbəst güləş, yunan-Roma güləşi, taekvondo, cüdo, kyokusinkay karate, karate do, savat, kikboksinq, karate idman növləri sakinlərin böyük marağına səbəb olub.
Daha sonra idmanın inkişafında göstərdikləri səmərəli fəaliyyətinə görə məşqçi-müəllimlər təltif ediliblər.
Eyni zamanda 5 mart – Bədən Tərbiyəsi və İdman Günü ilə əlaqədar "İdman həftəsi" çərçivəsində yeniyetmə və gənclər arasında “Üzgüçülük hamı üçün” yarışının vauçerləri təqdim olunub.
Qeyd edək ki, parad Lənkəran Şəhər İcra Hakimiyyətinin, Lənkəran-Astara Regional Gənclər və İdman İdarəsinin birgə təşkilatçılığı ilə baş tutub.
