Lənkəran-Astara Regional Gənclər və İdman İdarəsinin tabeçiliyində olan güləş məşqçiləri üçün seminar təşkil olunacaq.
Cenublu.az xəbər verir ki, seminar Azərbaycan Güləş Federasiyası tərəfindən keçiriləcək.
Tədbir dekabrın 3-də Lənkəran şəhərində baş tutacaq.
Seminar çərçivəsində milli komandalarımızda çalışan mütəxəssislər və hakimlərimiz nəzəri və praktiki məşğələlərdə öz təcrübələrini məşqçilərlə bölüşəcək, məşqlərin keçirilməsi, güləş qaydalarının ətraflı izahı və s. mövzuda geniş məlumat verəcəklər.
