Lənkəran Mərkəzi Kitabxanasında badminton idman növü üzrə Respublika birinciliyində uğurla çıxış edən Lənkəran şəhər 5 nömrəli tam orta məktəbinin şagirdi Akif Qurbanovla görüş keçirilib. Bu haqda məlumatı Cenublu.az bu gün, 15 iyul tarixində verir.
Kitabxananın direktoru idmançını salamlayıb və Bakı şəhərində 15-16 yaşlı yeniyetmələr arasında ölkə birinciliyində uğurla çıxış edərək qızıl medal qazanması münasibətilə onu təbrik edib.
Lənkəran Şəhər 5 nömrəli tam orta məktəbinin şagirdi Akif Qurbanov uğurlu nəticələr əldə etdiyinə görə sevincli olduğunu bildirib və görüş üçün kitabxananın rəhbərliyi və kollektivinə təşəkkür edib.
Görüşün sonunda Lənkəran Mərkəzi Kitabxanasının təbrik məktubu badmintonçu Akif Qurbanova təqdim olunub və xatirə şəkli çəkdirilib.
