Lənkəran şəhər Osman Mirzəyev adına 5 saylı Uşaq Evi sosial xidmət müəssisəsində idman tədbiri baş tutub. Bu haqda məlumatı Cenublu.az bu gün, 2 mart tarixində verir.
"İdman həftəsi" çərçivəsində keçirilən tədbirdə Lənkəran-Astara Regional Gənclər və İdman İdarəsinin əməkdaşları, idman ictimaiyyətinin nümayəndələri və könüllü gənclər əyləncəli açıq idman və inklüziv hərəkətli tədbir təşkil ediblər.
İdarənin əməkdaşı uşaqlara Bədən Tərbiyəsi və İdman Gününün tarixindən, idmana olan dövlət qayğısından, sağlam həyat tərzidən məlumat veriblər. Daha sonra gimnastika, şən startlar, minifutbol və voleybol oyunları keçirilib və qaliblərə toplar hədiyyə olunub.
İdman tədbirinə Beynəlxalq dərəcəli hakim, Əməkdar məşqçi Məmməd Məmmədov və Fəzail Əbilov rəhbərlik ediblər.
