Lənkəran şəhərindəki “Sağlam məhəllə” idman zonasında 5 mart – Bədən Tərbiyəsi və İdman Günü ilə əlaqədar "İdman həftəsi" çərçivəsində məhəllə sakinləri üçün açıq idman tədbiri keçirilib. Bu haqda məlumatı Cenublu.az bu gün, 29 fevral tarixində verir.
Tədbirdə məhəllə sakinləri ilə idmana aid maarifəndirici söhbətlər aparılıb, yeniyetmələrlə futbol, basketbol, stolüstü tennis və atletika idman növləri üzrə çıxışlar göstərilib.
İdman tədbirlərinin keçirilməsində məqsəd 5 mart – Bədən Tərbiyəsi və İdman Gününü qeyd etmək, yeniyetmə və gənclər arasında idmana maraq oyatmaq, onların fiziki aktivliyini artırmaq və sağlam həyat tərzini təbliğ etməkdir.
Qeyd edək ki, tədbir Lənkəran-Astara Regional Gənclər və İdman idarəsinin təşkilatçılığı ilə baş tutub.
