“Qarabağ”ın futbolçusu Toral Bayramovun “Qalatasaray”a transferi yenidən gündəmə gəlib. Bu haqda məlumatı Cenublu.az bu gün, 4 mart tarixində verir.
Belə ki, “Qalatasaray”ın direktoru Cenk Ergün millimizin üzvünü “Braqa” ilə Avropa Liqasının pley-off mərhələsinin cavab matçında canlı izləmək üçün ölkəmizə səfər edib. Həmçinin “Qalatasaray”ın sol cinah müdafiəçisi Anxelinyo ilə təzəlikcə yollarını ayırması bu versiyanı qətiyyətləşdirir.
Toral Bayramovun “Qarabağ”la müqaviləsinin müddəti 2026-cı ilin yayına qədərdir.
Qeyd edək ki, əslən Lənkərandan olan Toral Bayramov “Xəzər Lənkəran” FK-nın yetirməsidir.
Xatırladaq ki, 7 mart tarixində Bakı şəhərində yerləşən Tofiq Bəhramov adına stadionda “Qarabağ” FK Avropa Liqasında Almaniyanın “Bayer” komandası ilə qarşılaşacaq.
