Cəlilabadlı güləşçi Ziya Babaşov bu gün doğum gününü qeyd edir. Bu haqda məlumatı Cenublu.az bu gün, 6 yanvar tarixində verir.
Babaşov Ziya Kamal oğlu 2002-ci il yanvar ayının 6-da Cəlilabad rayonunda dünyaya gəlib. İbtidai və orta təhsilini 9-cu sinfə qədər Akademik Zərifə Əliyeva adına Cəlilabad şəhər orta məktəbində, 10-cu sinfi isə Cəlilabad rayon Uzuntəpə kənd orta məktəbində oxumuş, sonda Cəlilabad şəhər 1 saylı orta məktəbinin məzunu olub.
Ziya Babaşov kiçik yaşlarından etibarən idmana həvəs gösdərdiyi üçün Cəlilabad şəhər Uşaq və Gənclər İdman Məktəbinin nəzdində yunan-Roma güləş bölməsini seçərək idman sahəsində ilk addımlarını atıb. O, Cəlilabad şəhər Mərkəzi stadionundan əlavə, həm də Cəlilabad Olimpiya İdman Kompleksində məşqlərini davam etdirmiş, kiçik yaşlarından etibarən öz potensialını göstərərək müxtəlif yarışlarda birincilik qazanıb.
2018-ci ildə yeniyetmələr arasında Azərbaycan çempionu, həmçinin beynalxalq turnirlərin qalibi və mükafatçısı olub.
Cəlilabad Rayon Gənclər və İdman İdarəsi UGİM-in yetirmələrindən sayılan Ziya Babaşov 02.09.2019 tarixində Bolqarıstanın paytaxtı Sofiyada güləş üzrə yeniyetmələr arasında dünya çempionatında iştirak etmiş və gümüş medal qazanaraq II yerə layiq görülmüşdü.
2022-ci ildə U-23 Avropa çempionatında II yerə layiq görülüb.
