Cəlilabadda "Yaşıl Dünya Naminə Həmrəylik İli" çərçivəsində veloyürüş keçirilib. Bu haqda məlumatı Cenublu.az bu gün, 4 iyun tarixində Report.az-a istinadən verir.
Şəhər dairəsindən start götürən veloyürüş Heydər Əliyev prospekti boyunca 3,9 km məsafədə davam edib və Heydər Əliyev Seyrəngahında sona çatıb. Tədbirə 50 velosipedçi qatılıb.
Dünya Velosiped Günü münasibətilə keçirilən tədbirin məqsədi gənclərin asudə vaxtının səmərəli təşkil edilməsi və sağlam həyat tərzinin təbliğ olunmasıdır.
Sonda iştirakçılara sertifikatlar təqdim olunub.
Velotürüş Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
