Cəlilabadda “Üzgüçülük hamı üçün” adlı yarış baş tutub. Bu haqda məlumatı Cenublu.az bu gün, 25 dekabr tarixində verir.
Turnir Olimpiya İdman Kompleksində keçirilib. Burada 27 idmançı qüvvəsini sınayıb. Onlara sertifikat təqdim olunub.
Gənclər və İdman Nazirliyi ilə Azərbaycan Üzgüçülük Federasiyasının birgə əməkdaşlığı ilə keçirilən tədbirin əsas məqsədi su idmanı növlərinin daha geniş yayılması, inkişaf etdirilməsi, kütləviliyin artırılması və sağlam həyat tərzinin təbliğidir.
Qeyd edək ki, ölkənin 35 idman obyektində eyni vaxtda keçirilən turnirlərdə 14 müxtəlif yaş kateqoriyası üzrə (9-10 yaş, 11-12 yaş, 13-14 yaş, 15-16 yaş, 17-19 yaş, 20-24 yaş, 25-29 yaş, 30- 34 yaş, 35-39 yaş, 40-44 yaş, 45-49 yaş, 50-54 yaş, 55-59 yaş və 60 yaşdan yuxarı) ümumilikdə 1350 iştirakçı yarışıb.
Qalib gələn idmançılar gələn il türkdilli ölkələrin idmançıları arasında keçiriləcək final mərhələsinə vəsiqə qazanıblar.
