Cəlilabadda idarə, müəssisə və təşkilatlar arasında minifutbol turniri baş tutub. Bu haqda məlumatı Cenublu.az bu gün, 31 iyul tarixində verir.
Gənclər və İdman Nazirliyinin yaradılmasının 30 illiyinə həsr olunmuş yarış Olimpiya İdman Kompleksində keçirilib.
Turnirin final oyununda Cəlilabad Rayon Təhsil Sektorunun komandasına 6:2 hesabı ilə qalib gələn Cəlilabad Rayon Gənclər və İdman Sektorunun komandası turnirin qalibi olub.
3-cü yer uğrunda keçirilən oyunda Rayon Təhsil Sektorunun müəllimlərdən ibarət komandası Cəlilabad RİH-nin komandasına 9:6 hesabı ilə qalib gəlib.
Qalib gələn komandalar Lənkəran-Astara Regional Gənclər və İdman İdarəsinin kubok, diplom və medalları ilə təltif olunub.
