Astaralı boksçu növbəti uğura imza atıb.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, beynəlxalq turnirdə boksçumuz Məhəmmədəli Qasımzadə gümüş medal qazanıb.
Lənkəran şəhər Uşaq-Gənclər İdman Məktəbinin yetirməsi M.Qasımzadə həmçinin turnirin ən əzmkar boksçusu seçilib.
İdmançımızın məşqçisi Nurlan Məmmədovdur.
Qeyd edək ki, gənc boksçular arasında keçirilən turnir Rusiyanın Çita şəhərində baş tutub. Yarışda 16 ölkədən 120 boksçu mübarizə aparıb.
