Astarada voleybol idman növü üzrə açıq rayon turniri keçirilib. Bu haqda məlumatı Cenublu.az bu gün, 29 iyul tarixində verir.
Gənclər və İdman Nazirliyinin təsis edilməsinin 30 illiyinə həsr olunmuş turnir “Ümid” İdman Kompleksində təşkil olunub. Burada 2 qrup üzrə 9 komanda olmaqla ümumilikdə 108 həvəskar idmançı iştirak edib.
Yarışda I yerə “Xolmili” (Lənkəran), II yerə ”Vəlvələ”(Astara), III yerə isə ”Mamusta” (Lənkəran) voleybol komandası layiq görülüb.
Qalib komandalara kubok, medal və diplomlar təqdim olunub.
Turnir Lənkəran-Astara Regional Gənclər və İdman İdarəsinin təşkilatçılığı ilə baş tutub.
