Astarada Dünya Velosiped Günü münasibətilə veloyürüş keçirilib. Bu haqda məlumatı Cenublu.az bu gün, 4 iyun tarixində verir.
Veloyürüşdə 21 nəfər velosiped həvəskarı iştirak edib. Kütləvi idman tədbiri Dənizkənarı Park Bulvar kompleksi ərazisini əhatə etməklə 1 km məsafədə davam edib.
“Yaşıl Dünya Naminə Həmrəylik İli” çərçivəsində keçirilən tədbir Lənkəran–Astara Regional Gənclər və İdman İdarəsi tərəfindən təşkil olunub. Burada əsas məqsəd velosiped idman növünün əhali arasında tanıdılması və bu nəqliyyat vasitəsindən istifadə etməklə ətraf mühitin qorunmasıdır.
