Astarada “İdman həftəsi” çərçivəsində “Sağlam həyat” devizi altında kütləvi idman tədbiri keçirilib. Bu haqda məlumatı Cenublu.az bu gün, 2 mart tarixində verir.
Astara Gənclər Evi SXM-in qarşısında Lənkəran-Astara Regional Gənclər və İdman İdarəsinin təşkilatçılığı ilə keçirilən tədbirdə Astara şəhər 1, 2, 3, 4, 5, 6 saylı və Suparibağ kənd tam orta məktəblərinin VIII-XI sinif şagirdləri fəal iştirak ediblər.
Kütləvi idman tədbiri stolüstü tennis, şahmat, nərd oyunları, fitnes və s. idman növləri üzrə keçirilib.
Yekunda 20 nəfər fərqlənən iştirakçı Lənkəran-Astara Regional Gənclər və İdman İdarəsinin sertifikatlarına layiq görülüb.
