Astarada "İdman hamı üçün" layihəsi çərçivəsində karate-do üzrə master klas təşkil edilib.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, ustad dərsi Astara Olimpiya İdman Kompleksinin karate-do üzrə məşqçi-müəllimi, Milli Karate Federasiyasının nümayəndəsi Şənlik Qasımov və Milli Karate Federasiyasının nümayəndəsi, Beynəlxalq dərəcəli hakim Seymur Məmmədovun rəhbərliyi ilə keçirilib.
Tədbirdə 38 idmançı iştirak edib.
Yekunda fərqlənən idmançılar Azərbaycan Milli Karate Federasiyasının sertifikatları və medalları ilə təltif olunublar.