Astarada futzal idman növü üzrə rayon turniri təşkil olunub. Bu haqda məlumatı Cenublu.az bu gün, 15 mart tarixində verir.
Novruz bayramına həsr olunmuş tədbir Ceyhun Babayev adına 3 nömrəli tam orta məktəbdə baş tutub. Yarışın baş hakimi 3 nömrəli tam orta məktəbin fiziki tərbiyə müəllimi Rəşad Əliyev olub.
7-ci sinif şagirdləri arasında keçirilən turnirdə 40 nəfər məktəbli oğlandan ibarət 8 komanda yarışıb.
I yerə Ziya Bünyadov adına 2 nömrəli tam orta məktəb, II yerə Çayoba kənd tam orta məktəbi, III yerə isə Səncərədi kənd tam orta məktəbi layiq görülüb. Qalib komandalara diplomlar təqdim edilib.
İdman tədbiri Lənkəran–Astara Regional Gənclər və İdman İdarəsinin, Lənkəran–Astara Regional Təhsil İdarəsinin birgə təşkilatçılığı ilə həyata keçirilib.
