Astarada 13-17 yaşlı oğlanlar və qızlar arasında ağırlıqqaldırma üzrə region birinciliyi təşkil edilib. Bu haqda məlumatı Cenublu.az bu gün, 15 yanvar tarixində verir.
Turnir "Astalanya City" şəhərciyində keçirilib. Burada Lənkəran və Cəlilabad rayonlarından 31 oğlan və 4 qız olmaqla ümumilikdə 35 idmançı güclərini sınayıb.
Sonda qalib idmançılar diplom və medallarla təltif olunublar.
Qeyd edək ki, yarış Lənkəran-Astara Regional Gənclər və İdman İdarəsinin, Azərbaycan Ağırlıqqaldırma Federasiyasının birgə təşkilatçılığı ilə həyata keçirilib.
