XIX əsrin əvvəllərində çəltik əkmək məqsədi ilə Xırmandalı kəndinin sakinləri kəndin şimal-qərbində, Hacıtəpəli və Həsənli kəndlərində yaşayanlar isə "çəndəq yeri" deyilən ərazisində su anbarı tikibmlərmiş. Hacıtəpəlilərin dediklərinə görə, "Çəndəq" adlanan yerə əvvəllər "Qanlıgöl" deyirmişlər. Bu isə bir rəvayətlə bağlıdır. Rəvayət Masallı rayonunun Xırmandalı kənd sakini Gülüstan İbadulla qızı Hüseynovanın söylədikləri əsasında yazılıb.
Rəvayətə görə, həmin su anbarının yanında ana maralla iki balası yaşayardı. Bir gün ana maral öz balalarını gölün qırağında qoyub, otlamağa gedir. Otlayan zaman ovçu ana maralı güllə ilə vurur, amma tuta bilmir. Yaralı maral öz balalarının yanına gələrək son nəfəsində onlara süd verir. Maraldan axan qan gölməçə əmələ gətirir. Anası ölmüş maral balaları həmin gölməçənin yanında dayanır. Sonra isə kəndin sakinləri bunu görürlər. Bu hadisədən sonra həmin yeri onlar "Qanlı göl" adlandırırlar.
