Külli miqdarda narkotik vasitənin ölkə ərazisinə keçirilməsinə yol verilməyib.
Dövlət Sərhəd Xidmətinin Mətbuat Mərkəzindən Cenublu.az -a verilən məlumata görə, Sərhəd Qoşunları Komandanlığının "Lənkəran" sərhəd dəstəsinin xidməti ərazisində keçirilən sərhəd axtarışı və əməliyyat tədbirləri nəticəsində İran İslam Respublikasından Azərbaycan ərazisinə pilotsuz uçuş aparatı (PUA) vasitəsilə külli miqdarda narkotik vasitənin keçirilməsi cəhdinin qarşısı alınıb.
Aparılan axtarış tədbirləri zamanı sərhədyanı ərazidən ümumi çəkisi 13 kiloqram 956 qram olan marixuana aşkar edilərək götürülüb.
Faktla bağlı əməliyyat-istintaq tədbirləri davam etdirilir.
