Biləsuvar rayonunda bıçaqlanma hadisəsi baş verib.
Cenublu.az xəbər verir ki, hadisə gecə saatlarında şəhər ərazisində qeydə alınıb. İlkin məlumata görə, Biləsuvar şəhər sakini, 63 yaşlı Məhbubə Mətləb qızı Mikayılova qonşusu, 2003-cü il təvəllüdlü Xəyal Qubadlı tərəfindən bıçaqlanıb.
Müxtəlif dərəcəli bədən xəsarətləri alan qadın Biləsuvar Rayon Mərkəzi Xəstəxanasına çatdırılaraq hospitalizasiya olunub.
Hadisəni törətməkdə şübhəli bilinən Xəyal Qubadlı polis əməkdaşları tərəfindən saxlanılaraq istintaqa təhvil verilib.
Faktla bağlı araşdırma aparılır.
