Masallı rayonunda ağır cinayət hadisəsi baş verib.
Qafqazinfo.аz xəbər verir ki, rayonun Şıxlar kənd sakini, 1957-ci il təvəllüdlü Elmira Əmənovanın meyiti yaşadığı evdə aşkarlanıb.
Məlumata görə, qadın gecə saatlarında baltalanaraq qətlə yetirilib. Meyitin üzərində çoxsaylı xəsarət izləri aşkar edilib.
İlkin ehtimallara əsasən, qətlin tamah məqsədilə törədildiyi istisna edilmir.
Hazırda hadisəni törətməkdə şübhəli bilinən şəxs və ya şəxslərin müəyyən edilərək saxlanılması istiqamətində polis əməkdaşları tərəfindən əməliyyat-axtarış tədbirləri davam etdirilir.
