Bakının Xəzər rayonunda 24 yaşlı oğlan qeyri-rəsmi münasibətdə olduğu qadına xəsarət yetirib.
Demokrat.az xəbər verir ki, hadisə rayonunun Qala qəsəbəsi, Xaşaxuna bağ massivində baş verib.
Yardımlı rayon sakini, 2002-ci il təvəllüdlü Pərviz qeyri-rəsmi ər-arvad münasibətində yaşadığı Zülfiyyə ilə mübahisə edib.
Aralarında baş vermiş mübahisə zəminində qadının baş nahiyəsini divara vurub, onu yerə yıxaraq ayağı ilə hər iki qulaq nahiyələrinə və yumruğu ilə bədəninin müxtəlif nahiyələrinə zərbələr endirib. Ona müxtəlif dərəcəli bədən xəsarətləri yetirib.
Faktla bağlı Pərvizin barəsində Cinayət Məcəlləsinin qəsdən sağlamlığa zərər vurma maddəsi ilə ittiham elan edilib.
Xəzər Rayon Məhkəməsində aparılan araşdırma zamanı məlum olub ki, təqsirləndirilən şəxs zərərçəkənlə barışıq əldə edib. Bu səbəbdən də zərərçəkən ona qarşı şikayətini geri götürüb.
Məhkəmənin hökmü ilə Pərviz cinayət məsuliyyətindən azad edilib.
Qeyd edək ki, adlar şərti verilib.
