Lənkəranda uzun illər pedaqoji fəaliyyət göstərmiş müəllim Südabə Axundova dünyasını dəyişib.
Cenublu.az xəbər verir ki, Axundova Südabə Abutalıb qızı 1942-ci ildə Lənkəran şəhərində anadan olub. Orta təhsilini Lənkəran şəhər 2 nömrəli orta məktəbində alan Südabə Axundova daha sonra Lənkəran Pedaqoji Texnikumunda təhsilini davam etdirib.
O, əmək fəaliyyətinə 5 nömrəli tam orta məktəbdə başlayıb, sonrakı illərdə isə doğma 2 nömrəli məktəbdə müəllim kimi çalışıb.
Südabə Axundova 47 il ərzində yüzlərlə şagirdin təlim-tərbiyəsində mühüm rol oynayıb. O, peşəsinə bağlılığı, yüksək mənəvi keyfiyyətləri və şagirdlərinə göstərdiyi qayğı ilə həmkarlarının, valideynlərin və məzunların böyük hörmətini qazanıb.
