Bu gün Lənkəranın bəzi ərazilərində elektrik enerjisinin verilişində fasilə yaranacaq.
Cenublu.az xəbər verir ki, bəzi 10 kV-luq hava xətlərində aparılacaq təmir işləri ilə əlaqədar saat 10:00-dan 13:00-dək Sütəmurdov, Velədi, Viyən kəndləri, Aşağı Nüvədi və Gərmətük qəsəbələrində, saat 14:00-dan 16:30-dək isə şəhər ərazisində yerləşən Şirəli Axundov, Cavanşir, Fikrət Məmmədov və Müzəffər Nəsirli küçələrində, həmçinin Səpnəkəran və Şürük kəndlərində elektrik enerjisinin verilişində məhdudiyyət olacaq.
Qeyd olunub ki, təmir işləri başa çatdıqdan sonra həmin ərazilər daha keyfiyyətli və dayanıqlı elektrik enerjisi ilə təmin ediləcək.
