Lənkəranda yeni turizm məkanının açılışı baş tutub.
Cenublu.az xəbər verir ki, iyunun 16-da "Balçı Səyavuş Arıçılıq Muzeyi"nin rəsmi açılış mərasimi keçirilib.
Tədbirdə kənd təsərrüfatı nazirinin müavini, Lənkəran Şəhər İcra Hakimiyyəti başçısının müavini, Lənkəran Regional Turizm İdarəsinin rəisi, Aqrar Tədarük və Təchizat idarəsinin rəhbərliyi, eləcə də digər rəsmi şəxslər və qonaqlar iştirak ediblər.
Açılış mərasimi çərçivəsində Lənkəran Regional Turizm İdarəsi tərəfindən muzeyin giriş hissəsində rayonun görməli yerlərini əks etdirən fotolardan ibarət sərgi də təşkil olunub.
Qeyd edək ki, yeni muzeyin fəaliyyətə başlaması bölgənin turizm potensialının tanıdılması və arıçılıq ənənələrinin təbliği baxımından əhəmiyyətli hesab olunur.
