Astara rayonunun Miki kəndində təbii qazın olmaması əhalidə narazılıq yaradır.
Cenublu.az xəbər verir ki, kənd sakinləri yaşayış məntəqəsinin qazlaşdırılmasını xahiş edirlər. Onların sözlərinə görə, kəndin yaxınlığından qaz xətti keçsə də, Miki kəndinə təbii qaz verilməyib.
Vətəndaşlar bildirirlər ki, qaz xəttinin kəndə çəkilməsi onların məişət şəraitini xeyli yaxşılaşdırar. Astaralılar aidiyyəti qurumlardan Miki kəndinin qazlaşdırılması məsələsinə diqqət yetirməyi xahiş edirlər.
