Ötən həftə izləyicilərimiz arasında keçirdiyimiz sorğunun nəticəsi bəlli olub. Belə ki, Lənkəranda ən çox sevilən və izləyicilərimiz tərəfindən ziyarət edilən məkanları sizlərə təqdim edirik.
“Lankaran Springs Resort”da 3 restoran, spa, açıq və qapalı hovuz, türk hamamı və sauna fəaliyyət göstərir. Həmçinin burada mütəmadi olaraq uşaqlar üçün əyləncəli proqramlar keçirilir.
“Nilado green” İstisu qəsəbəsindəki çay plantasiyalarının ərazisində yerləşir. Burada qonaqlar fərqli və maraqlı çaylar dada bilərlər.
“Carnaval” Sütəmurdov qəsəbəsində, Xəzər dənizinin sahilində yerləşir. Burada qonaqlar idman meydançası və hovuzdan istifadə edərək istirahət edə bilərlər.
“Xan Lənkəran” “Ləvəngi” dairəsinə yaxın ərazidə yerləşir. Muzey tipli olan məkanda uşaqlar üçün yelləncəklər və milli yeməklərimizi təklif edən restoran fəaliyyət göstərir.
“Luxe Lankaran” şəhərin mərkəzində yerləşir. Burada qonaqlara spa, hamam, sauna, fitnes mərkəzi və restoranda dadlı təamlar təklif olunur.
“Khazar palace” Xəzər dənizinin sahilində yerləşir. Burada açıq və qapalı hovuz və dadlı təamlar təklif edən restoran fəaliyyət göstərir.
“Riva Hill Resort” Lənkəran-Lerik yolunda,Rvo kəndi ərazisində yerləşir. Burada uşaqlar və böyüklər üçün hovuz, uşaq meydançası fəaliyyət göstərir.
“Bəşəru” istirahət mərkəzi Lənkəran-Lerik şosesinin 8 km-də, Bəşəru çayının sahilində yerləşir. İstirahət məkanında qonaqlara gecələmək üçün
koteclər və milli mətbəx təklif edən restoran xidmət göstərir.
“Dəniz” istirahət mərkəzində hovuz, uşaqlar üçün attraksionlar və restoran fəaliyyət göstərir.
