Azərbaycan 1991-ci ilin oktyabr ayında müstəqillik əldə edib. Lakin ölkədə rəhbərlik uğrunda ayrı-ayrı şəxslər və qruplar arasında mübarizə gedirdi, həmçinin vəziyyətdən istifadə edən Ermənistan Azərbaycan torpaqlarını işğal etməyə davam edirdi. Bu səbəbdən ölkədə siyasi hakimiyyət boşluğu özünü göstərirdi.
Azərbaycan ərazisində müxtəlif qanusuz silahlı dəstələrin yaradılması Azərbaycanda vətəndaş müharibəsinə gətirib çıxardı. Həmin vaxt Azərbaycan xalqı dəfələrlə sınanmış lideri Heydər Əliyevin hakimiyyətə qayıtmağı ilə bağlı təkliflər irəli sürürdü. Nəticədə 9 iyun 1993-cü ildə Heydər Əliyev Bakıya gəldi və qısa bir müddətdə Azərbaycanda vətəndaş müharibəsinin qarşısını almağı bacardı.
15 iyun 1993-cü ildə Azərbaycan Respublikası Milli Məclisinin iclasında Heydər Əliyev Ali Sovetin sədri seçildi. Həmin gün Milli Qurtuluş Günü kimi tarixə düşdü.
