Bu ilin mart ayında bibisi oğlu, 1976-cı il təvəllüdlü Rövşən Abdullayevi bıçaqlayaraq öldürən Rizvan Söhbətova hökm oxunub.
Lənkəran Ağır Cinayətlər Məhkəməsi Rizvan Söhbətovu Cinayət Məcəlləsinin 120.1 və 228.5-ci maddələri ilə təqsirli bilib.
Hadisə Novruz bayramı günü Saatlı rayonunun Fətəlikənd kəndində baş verib. Belə ki, Rövşənlə Rizvanın qardaşı Ərşad arasında kafenin qarşısında münaqişə yaranıb. Rizvan tərəfləri ayırsa da, qardaşının döyülməsini qəbul etməyib. O, evdən bıçaq götürərək geri qayıdıb və Rövşənə bir neçə zərbə endirib. Rövşən aldığı xəsarətlərdən dünyasını dəyişib.
Hökmə əsasən, 49 yaşlı Rizvan Söhbətov 14 il müddətinə azadlıqdan məhrum edilib.
Mənbə: qafqazinfo.аz
