Ziya Bünyadov 21 dekabr 1923-cü ildə Astara şəhərində anadan olub. Sovet İttifaqı Qəhrəmanı adına layiq görülmüş alim Azərbaycan şərqşünaslıq elminin xadimlərindən biri olub.
Ziya Bünyadovun 100-illiyi ilə bağlı Cenublu.az sizə onun qalmaqallı çıxışlarını təqdim edir:
- Azərbaycan 200 il öncə Rusiyanın tərkibinə məcbur daxil olub! 1813-cü ildə imzalanmış Gülüstan sülh müqaviləsinə əsasən, Azərbaycan ərazisi Rusiya İmperiyasına məcbur daxil olmuşdur. Sovet dövründə isə bu hadisənin bayram kimi qeyd olunması qərarı verilmişdir. Lakin Ziya Bünyadov bununla əlaqədar bir neçə dəfə çıxış edərək, faktlarla qərarın düzgün olmadiğını sübut etmişdir. Bundan əlavə, o, 28 aprel 1920-ci il tarixinin işğal günü olmasını da qeyd etmişdir.
- Nəsiminin dərisini diri-diri çıxarmayıblar! Bu barədə Ziya Bünyadov araşdıraraq qeyd etmişdir ki, Nəsiminin dərisinin diri-diri soyulması xalq arasında yaranan əfsanə olmuşdur.
Qarabağı vermək məsələsi yoxdur, ola bilməz! Bünyadov hətta sovet dövründə belə açıq olaraq ermənilərin uydurmalarına qarşı, həmçinin Qarabağın Azərbaycana məxsus olmasını elmi araşdırmalarla sübut edib:
“Ermənistan dövləti müstəqil siyasi vahid kimi, 387-ci ildə mövcudluğunu dayandırıb. Tutaq ki, 387-ci ilə qədər Artsax Ermənistanın tərkibində idi, bəs Ermənistanın özü, ümumiyyətlə, mövcud olmayan yerdə, o, necə bunun bir hissəsi ola bilərdi?”.
