Rejissor Səməd Ağayevin "Yolsuzluq" adlı qısametrajlı sənədli filmi VI Sevil Beynəlxalq Qadın Sənədli Film Festivalının rəsmi proqramına seçilib. Film 5 iyulda Lənkəran, 6 iyulda isə Bakı şəhərində nümayiş etdirilib.
Nümayişlərdən sonra keçirilən müzakirələrdə tamaşaçılar filmin rejissoru Səməd Ağayevlə birbaşa ünsiyyət quraraq film haqqında suallar verib, təəssüratlarını bölüşüblər. "Yolsuzluq" filmi tamaşaçılar tərəfindən maraqla qarşılanıb və sosial mövzulara toxunduğu üçün xüsusi rəğbət qazanıb.
Film ucqar kənd məktəbində ibtidai sinif müəlliməsi işləyən bir qadının gündəlik həyatını, rastlaşdığı sosial və infrastruktur problemləri sənədli dillə təqdim edir.
