Astarada fəaliyyət göstərən və izləyicilər tərəfindən bəyənilən istirahət mərkəzləri haqda Cenublu.az bu gün, 29 avqust tarixində məlumat verir.
Çay qırağında yerləşən “Ağ körpü” istirahət mərkəzində dadlı təamladan dadaraq ailənizlə xoş zaman keçirə bilərsiniz.
Ağ körpü kəndində yerləşən “Citrus” istirahət mərkəzi isə piknik sevənlər üçün uyğun məkandır. Burada siz həmçinin yemək sifariş edərək təbiətin gözəlliyini seyr edə bilərsiniz.
“Shindan hotel” əyləncəni sevənlər üçün maraqlı bir məkandır. Burada “selfie room”, fotozona, karaoke, uşaqların ad günlərini keçirmək üçün xüsusi bəzədilmiş zal, idman zalı, hotel və restoran fəaliyyət göstərir.
Dəniz kənarında yerləşən “Maricel” istirahət mərkəzinin ərazisində çimərlik, hovuz, uşaqların əyləncəsi üçün geniş meydançada yerləşən yelləncəklər və attraksionlar, canlı musiqisi olan restoran, idman zalı və idman meydançası mövcuddur.
“Relax beach” istirahət mərkəzi dənizin sahilində yerləşən bir məkandır. Burada koteclər, restoran, kino klub, sauna var, həmçinin diskoteka təşkil olunur.
“Palma Sahil” çimərliyi və restoranı olan bir istirahət mərkəzidir. Həmçinin, burada gecələmək istəyənlərə otaqlar təklif olunur.
Qamışoba kəndində yerləşən “Astara beach” istirahət mərkəzi dənizin kənarında yerləşir. Məkan “Zirvə” restoranı ilə məşhurdur. İstirahət edənlər həmçinin spa və çimərlik zonasından istifadə edə bilərlər.
“Ceyhun” istirahət mərkəzində hotel, restoran və xüsusi günlərinizi qeyd etmək üçün şadlıq sarayı fəaliyyət göstərir. Hotelin həyətində uşaqların əyləncəsi üçün meydança mövcuddur. Həmçinin, restoranda mütəmadi olaraq canlı şou proqram təşkil olunur.
“Yaşıl göl” istirahət mərkəzi rayonun Səncərədi kəndində yerləşir. Burada gecələmək üçün koteclər, gölün üzərində yerləşən restoran, qayıqla qəzinti və balıq tutma, meyvə toplama və digər əyləncələrdən yaralanaraq xoş vaxt keçirmək mümkündür.
