Bu gün Vətən müharibəsi şəhidimiz Pərviz Məmmədlinin anadan olduğu gündür.
Pərviz Həsən oğlu Məmmədli 1996-cı il martın 30-da Neftçala rayonunda doğulub.
Pərviz Xüsusi Təyinatlıların kursunu bitirdikdən sonra yeni işinə Cəlilabad rayonunda N saylı hərbi hissədə başlayıb. 2016-ci ilin Aprel döyüşlərində iştirak edib. Həmin döyüşlərdə snayper gülləsinə tuş gələrək sol budundan vurularaq ağır yaralanıb və 2 dəfə əməliyyat olunub.
O, Vətən müharibəsində Xüsusi Təyinatlı Qüvvələrin üzvü kimi müharibəyə yollanıb. Füzuli, Cəbrayıl, Hadrut, Laçın, Xankəndi və Şuşa uğrunda döyüşlərdə qəhrəmancasına döyüşüb. Pərviz 2020-ci il oktyabrın 24-də Şuşa uğrunda gedən döyüşlərdə şəhid olub.
Ölümündən sonra "Vətən uğrunda", "Cəsur döyüşçü", "Xocavəndin azad olunmasına görə", "Füzulinin azad olunmasına görə", "Cəbrayılın azad olunmasına görə" medalları və "Azərbaycan bayrağı" ordeni ilə təltif edilib.
