Lənkəran şəhərində minlərlə abonentin elektrik enerjisinin verilişində müvəqqəti fasilələr yaranıb.
Cenublu.az xəbər verir ki, bu barədə Cənub Regional Enerji Təchizatı və Satışı İdarəsinin (RETSİ) Lənkəran Elektrik Şəbəkəsindən məlumat verilib.
Bildirilib ki, budama işləri ilə əlaqədar "Lənkəran-2" yarımstansiyasından çıxan 10 kV-luq "6 saylı" hava xəttindən qidalanan ərazilərdə elektrik enerjisinin verilişi artıq dayandırılıb və saat 13:00-da bərpa olunacaq.
Qeyd olunub ki, "9 saylı" hava xəttindən qidalanan ərazilərdə isə elektrik enerjisinin verilişində məhdudiyyət saat 14:30-dan 16:00-dək tətbiq ediləcək.
Məlumata görə, ümumilikdə 9100 abonent bu fasilələrdən təsirlənəcək.
