Cəlilabadda toy karvanında yol nəqliyyat hadisəsi baş verib. Gəlin maşını qəzaya düşüb, xəsarət alan var.
Cenublu.az-ın verdiyi məlumata görə, hadisə Cəlilabad rayonunun Uzuntəpə kəndi ərazisində baş verib. Toy karvanına qatılan "VAZ-21015" markalı minik avtomobili gəlin maşını ilə toqquşub. Qəza nəticəsində bir nəfər ağır bədən xəsarətləri alaraq Cəlilabad rayon mərkəzi xəstəxanasına çatdırılıb.
Qeyd edək ki, gəlin maşınını idarə edən bəy özü olub.
Faktla bağlı araşdırma aparılır.
