Lənkəranda yerləşən 9 nömrəli tam orta məktəbdə təhsil almaq istəyən şagirdlər və onların valideynləri ilə görüş keçirilib.
Cenublu.az Lənkəran-Astara Regional Təhsil İdarəsinə istinadən xəbər verir ki, görüşdə qurumun rəhbəri Bəhruz Mehdiyev iştirak edib. Yeni məktəbin təhsil imkanları və perspektivləri müzakirə olunub, iştirakçıların maraqlandığı suallar ətraflı şəkildə cavablandırılıb.
Xatırladaq ki, Lənkəran şəhər Rövşən Bədəlov adına 9 nömrəli tam orta məktəbə qeydiyyat davam edir. Ümumi orta təhsil səviyyəsi üzrə buraxılış imtahanlarında 150 və daha çox bal toplamış şagirdlər qeydiyyat üçün müvafiq linkə daxil olaraq müraciət edə bilərlər.
